రాష్ట్రంలోనే ఎత్తైన తలకోన

తిరుపతి జిల్లా శేషాచల కొండల శ్రేణిలో ఉన్న తలకోన జలపాతం ఆంధ్రప్రదేశ్ రాష్ట్రంలోనే అత్యంత ఎత్తైనదిగా గుర్తింపు పొందింది. దాదాపు 82 మీటర్ల ఎత్తు నుండి జాలువారే ఈ అద్భుత జలాలు సందర్శకులను ఎంతగానో ఆకట్టుకుంటున్నాయి. ఔషధ గుణాలున్న వనమూలికలను తాకుతూ వచ్చే ఈ పవిత్ర జలాలు, మండు వేసవి కాలంలోనూ నిరంతరాయంగా ప్రవహిస్తూ ప్రకృతి ప్రేమికులను పరవశింపజేస్తున్నాయి.