నీట్ నిరసన కేసులపై రాష్ట్రాలకు సుప్రీం వెసులుబాటు

నీట్ ప్రశ్నపత్రం లీకేజీ నిరసనల్లో నమోదైన కేసులను చట్ట ప్రకారం ఉపసంహరించుకునే స్వేచ్ఛ రాష్ట్ర ప్రభుత్వాలకు ఉందని సుప్రీంకోర్టు తెలిపింది. జంతర్‌మంతర్ ఆందోళనలకు సంబంధించిన పిటిషన్ల విచారణలో ఈ వ్యాఖ్యలు చేసింది. చిన్న కేసులను ‘క్రిమినల్ యాంటిసిడెంట్స్’గా పరిగణించరాదని కోర్టు స్పష్టం చేసింది. హత్య, అత్యాచారం, ఉగ్రవాదం వంటి తీవ్రమైన నేరాలకు మాత్రమే ఈ పదం వర్తిస్తుందని పేర్కొంది.