బస్సు సౌకర్యం కోసం విద్యార్థుల నిరసన

తిరుపతి కలెక్టరేట్ వద్ద ప్రభుత్వ పాఠశాల విద్యార్థులు ఆందోళన చేపట్టారు. పుత్తూరు నుండి ఎస్‌బీఆర్ పురం వరకు గతంలో ఉన్న ఆర్టీసీ బస్సు సౌకర్యాన్ని పునరుద్ధరించాలని వారు డిమాండ్ చేశారు. నిలిపివేసిన బస్సు సర్వీసుల వల్ల తాము విద్యాభ్యాసానికి తీవ్ర ఇబ్బందులు ఎదుర్కొంటున్నామని విద్యార్థులు ఆవేదన వ్యక్తం చేశారు. ఈ సమస్యపై మంత్రి లోకేశ్ వెంటనే స్పందించి, విద్యార్థులకు బస్సు సౌకర్యం కల్పించాలని కోరుతున్నారు. తమ విద్యా భవిష్యత్తు దృష్ట్యా అధికారులు తక్షణమే చర్యలు తీసుకోవాలని వారు విజ్ఞప్తి చేశారు.