శ్రీవారి ఖాతాలో రికార్డు వసూళ్లు

తిరుమల శ్రీవాణి ట్రస్ట్ నిబంధనల మార్పుతో తిరుమల తిరుపతి దేవస్థానానికి (TTD) ఒక్కరోజే రూ.96.97 కోట్ల రికార్డు స్థాయి విరాళాలు వచ్చాయి. బ్రేక్ దర్శన పరిమితిని ఏడాదికి ఒక్కసారిగా తగ్గిస్తూ టీటీడీ తీసుకున్న నిర్ణయం ఈ ఊహించని విరాళాల వరదకు కారణమైంది. కొత్త నిబంధనలు అమలులోకి వచ్చేలోపే ఆన్‌లైన్, ఆఫ్‌లైన్ మార్గాల ద్వారా వేలాది మంది దాతలు పోటెత్తి భారీగా విరాళాలు సమర్పించారు.