విమల్ థియేటర్‌ వద్ద 'స్పిరిట్' షూటింగ్: ప్రభాస్ ఫ్యాన్స్ హంగామా

హైదరాబాద్‌లోని విమల్ థియేటర్‌లో ప్రభాస్ నటిస్తున్న 'స్పిరిట్' చిత్ర షూటింగ్ ప్రారంభమైంది. దర్శకుడు సందీప్ వంగ ఆధ్వర్యంలో వర్షం నేపథ్యంలో ఒక భారీ సన్నివేశాన్ని చిత్రీకరించారు. ఈ విషయం సోషల్ మీడియాలో వైరల్ కావడంతో, ప్రభాస్‌ను చూసేందుకు వేలాది మంది అభిమానులు అక్కడకు చేరుకున్నారు. ఫ్యాన్స్ భారీ తాకిడితో థియేటర్ పరిసరాల్లో ఒక్కసారిగా ఉద్రిక్తత నెలకొంది. దీంతో పోలీసులు రంగంలోకి దిగి అభిమానులను అదుపు చేసి పరిస్థితిని చక్కదిద్దారు. ప్రస్తుతం ఈ ఘటనకు సంబంధించిన వీడియో నెట్టింట తెగ వైరల్ అవుతోంది.