సొంత ఖర్చులతో కాలువకు మరమ్మతులు

పెంచికల్పేట్‌ బొక్కివాగు ప్రాజెక్టు ఎడమ కాలువకు రైతులు సొంత ఖర్చులతో మరమ్మతులు చేపట్టారు. కాలువకు గండిపడటంతో సాగునీరు అందక ఇబ్బందులు ఎదుర్కొన్న రైతులు రూ.40 వేలు సమకూర్చుకుని జేసీబీ, ట్రాక్టర్లతో పూడిక తొలగించారు. సిమెంట్‌ పైపులు, ఇటుకలతో మరమ్మతులు చేయడంతో 300 ఎకరాల పంటలకు నీరు చేరింది. ఏటా కాలువలు దెబ్బతింటున్నా అధికారులు స్పందించడం లేదని రైతులు ఆవేదన వ్యక్తం చేశారు.