సింగరేణిలో మట్టి ‘గోల్‌మాల్‌’

సింగరేణి గనుల్లో మట్టి తవ్వకాలకు, బొగ్గు ఉత్పత్తికి పొంతన లేకపోవడంపై అనుమానాలు వ్యక్తమవుతున్నాయి. గతంలో ఓబీఆర్ వివరాలను వెబ్‌సైట్‌లో ఉంచిన సంస్థ, ఫిబ్రవరి నుంచి ఈ గణాంకాలను పూర్తిగా గోప్యంగా ఉంచడం తీవ్ర చర్చనీయాంశమైంది. 2019-20తో పోలిస్తే గత ఆర్థిక సంవత్సరంలో 14.47 ఎంసీఎం అదనంగా మట్టిని తవ్వినప్పటికీ, బొగ్గు ఉత్పత్తి మాత్రం 58 ఎంటీలకు పడిపోయింది. ప్రైవేట్ టెండర్ల ద్వారా జరుగుతున్న ఈ ఓబీఆర్ పనులపై పలు ఆరోపణలు వస్తున్నాయి.