ఏజెన్సీలో సికిల్‌సెల్ ఎనీమియా పరీక్షలు

భద్రాద్రి కొత్తగూడెం ఏజెన్సీ ప్రాంతాల్లో సికిల్‌సెల్ ఎనీమియా, థలసీమియా వ్యాధులను అరికట్టేందుకు వైద్యారోగ్య శాఖ సిద్ధమైంది. భద్రాచలం, పాల్వంచ వంటి ప్రభుత్వ ఆసుపత్రుల్లో ప్రత్యేక స్క్రీనింగ్ పరీక్షలు నిర్వహించేందుకు స్టాఫ్ నర్సులకు శిక్షణ ఇస్తున్నారు. జన్యుపరంగా సంక్రమించే ఈ ప్రమాదకర వ్యాధిని ముందే గుర్తించేందుకు గర్భిణులతో పాటు నవజాత శిశువులకు కూడా పరీక్షలు చేయనున్నారు. ఇప్పటికే జిల్లాలో 214 మంది బాధితులను గుర్తించగా, కొత్త కేసుల కోసం తనిఖీలు వేగవంతం చేశారు.