గొర్రెల యూనియన్ ఎన్నికల నామినేషన్లు ప్రారంభం

కరీంనగర్ జిల్లా గొర్రెల పెంపకదారుల సహకార యూనియన్ ఎన్నికల నామినేషన్ల స్వీకరణ ప్రారంభమైంది. ఈ నెల 29 వరకు దరఖాస్తులు స్వీకరించనున్నట్లు ఎన్నికల అధికారి మహమ్మద్ జలాలోద్దీన్ తెలిపారు. జూలై 30న నామినేషన్ల పరిశీలన, 31న ఉపసంహరణ, ఆగస్టు 5న రహస్య బ్యాలెట్ ద్వారా ఎన్నిక నిర్వహించనున్నారు. జిల్లాలోని 139 సంఘాల అధ్యక్షులు ఓటు హక్కు వినియోగించుకోనున్నారు.