సీతక్క కీలక డిమాండ్

తెలంగాణ పంచాయతీరాజ్, గ్రామీణాభివృద్ధి శాఖ మంత్రి డాక్టర్ దానసరి అనసూయ సీతక్క శనివారం ఢిల్లీలో 16వ ఆర్థిక సంఘానికి కీలక విజ్ఞప్తి చేశారు. గిరిజన, కొండప్రాంతాలు, షెడ్యూల్డ్ ప్రాంతాలు, వెనుకబడిన గ్రామ పంచాయతీలకు ప్రత్యేక మినహాయింపులు ఇవ్వాలని కోరారు. పనితీరు ఆధారిత గ్రాంట్లు, సొంత ఆదాయ వనరుల నిబంధనల నుండి ఈ ప్రాంతాలకు మినహాయింపులు ఇవ్వాలన్నారు. అప్పుడే ఈ వెనుకబడిన పంచాయతీలు ఆర్థికంగా బలోపేతం అవుతాయని, తగిన నిధులు అందుతాయని ఆమె స్పష్టం చేశారు.