లంకలపల్లి వద్ద రోడ్డు ప్రమాదం

లంకలపల్లి గ్రామ సమీపంలో సోమవారం తెల్లవారుజామున కారు కల్వర్టును ఢీకొని వాగులో పడిన ప్రమాదంలో వనమాల లక్ష్మి(40) మృతి చెందగా, మరో ఇద్దరు గాయపడ్డారు. కారులో మొత్తం ఐదుగురు ఉన్నారు. పెళ్లి అనంతరం మణుగూరుకు తిరిగి వెళ్తుండగా ఈ ప్రమాదం జరిగింది. సమాచారం అందుకున్న పోలీసులు గాయపడిన వారిని ఆసుపత్రికి తరలించి, మృతదేహాన్ని పోస్టుమార్టానికి తరలించారు. కేసు నమోదు చేసి దర్యాప్తు చేస్తున్నారు.