రెస్టారెంట్‌ ఆహారం వికటించి యువకుడి మృతి

మెదక్‌ జిల్లా నర్సాపూర్‌లోని వన్‌ ప్యాలెస్‌ రెస్టారెంట్‌లో ఆహారం తిన్న 20 మంది అస్వస్థతకు గురికాగా సాయిరాం (19) మృతి చెందాడు. ఈ నెల 12న బిర్యానీ తదితర ఆహారం తిన్నవారికి వాంతులు, విరేచనాలు అయ్యాయి. బాధితులు ప్రభుత్వ, ప్రైవేటు ఆసుపత్రుల్లో చికిత్స పొందుతున్నారు. ఫుడ్‌ సేఫ్టీ అధికారి స్వదీప్‌కుమార్‌ తనిఖీలు నిర్వహించి, లైసెన్సు లేకపోవడంతో రెస్టారెంట్‌ను తాత్కాలికంగా మూసివేశారు.