బొబ్బిలిలో ప్రజా సమస్యల పరిష్కార వేదిక (PGRS) రేపు

బొబ్బిలి మున్సిపల్ కార్యాలయంలో శుక్రవారం ఉదయం 10 గంటల నుంచి మధ్యాహ్నం 1 గంట వరకు నియోజకవర్గ స్థాయి పీజీఆర్ఎస్ (ఫీల్డ్ గ్రీవెన్స్ డే) నిర్వహించనున్నారు. జిల్లా కలెక్టర్ ఆదేశాల మేరకు ఈ కార్యక్రమం చేపట్టారు. మండలంలోని అన్ని శాఖల అధికారులు తప్పనిసరిగా హాజరు కావాలని తహసీల్దార్, ఎంపీడీవోలు ఆదేశించారు. అధికారులు తమ శాఖల వారీగా ఫైళ్లు, రిజిస్టర్లతో సిద్ధంగా ఉండాలని సూచించారు.