‘సముద్ర ప్రదక్షిణ’ బృందానికి రాష్ట్రపతి అభినందనలు

ఐఏఎస్‌వీ త్రివేణి నౌకలో 25,000 నాటికల్ మైళ్ల ‘సముద్ర ప్రదక్షిణ’ యాత్రను పూర్తి చేసిన త్రివిధ దళాల మహిళా బృందాన్ని రాష్ట్రపతి ద్రౌపది ముర్ము అభినందించారు. బృంద సభ్యులు ఆమెను కలిశారు. మహిళా బృందం సాధించిన ఈ విజయం యువతకు, ముఖ్యంగా మహిళలకు స్ఫూర్తిగా నిలుస్తుందని రాష్ట్రపతి పేర్కొన్నారు. వారి సాహసాన్ని ప్రశంసించారు.