పోక్సో కేసులో నిందితుడికి 20 ఏళ్ల జైలు శిక్ష

విశాఖలో 10 ఏళ్ల మైనర్ బాలికపై లైంగిక దాడి కేసులో నిందితుడు కృష్ణ కుమార్ (22)కు స్పెషల్ పోక్సో కోర్టు 20 ఏళ్ల కఠిన కారాగార శిక్ష విధించింది. కోర్టు రూ.25 వేల జరిమానా విధించి, అందులో రూ.20 వేలు బాధితురాలికి ఇవ్వాలని ఆదేశించింది. ప్రభుత్వ పరిహారం కింద రూ.లక్ష చెల్లించాలని సూచించింది. 2024 ఏప్రిల్‌లో గాజువాకలో జరిగిన ఘటనపై విచారణ అనంతరం తీర్పు వెలువరించింది.