పోలింగ్‌ సిబ్బందికి విధుల కేటాయింపు

పెనుగంచిప్రోలు మండలంలో రేపు జరగనున్న జడ్పీటీసీ, ఎంపీటీసీ ఎన్నికల నేపథ్యంలో పోలింగ్‌ సిబ్బందికి విధులు కేటాయించారు. తంబరేణి ఫంక్షన్‌ హాల్‌లో పీవోలు, ఏపీవోలు, ఇతర పోలింగ్‌ సిబ్బందికి ఎన్నికల సామగ్రిని పంపిణీ చేశారు. పోలీసు సిబ్బంది, ఇతర శాఖల అధికారులకు కూడా బాధ్యతలు అప్పగించారు. ఎవరు ఎక్కడ విధులు నిర్వహించాలి, ఏయే బాధ్యతలు చేపట్టాలనే అంశాలపై సిబ్బందికి స్పష్టమైన సూచనలు ఇచ్చారు.