ఇంటర్‌ విద్యార్థినులకు పైలట్‌ శిక్షణ

ఇండిగోరీచ్‌, తెలంగాణ ఇంటర్మీడియట్‌ విద్యాశాఖతో అవగాహన ఒప్పందం కుదుర్చుకుంది. ఆర్థికంగా వెనుకబడిన వర్గాల విద్యార్థినులకు ‘గివింగ్ వింగ్స్ టూ ఫ్లై’ కార్యక్రమం ద్వారా కమర్షియల్‌ పైలట్‌ శిక్షణ అందించనుంది. ఈ కార్యక్రమంలో శిక్షణతో పాటు వసతి, భోజనం, బీమా, మెంటార్షిప్‌ సదుపాయాలు కల్పించనున్నారు. విమానయాన రంగంలో మహిళలకు కొత్త కెరీర్‌ అవకాశాలు కల్పించడమే లక్ష్యంగా భాగస్వామ్యం కొనసాగనుంది.