పెరిగిన ధరలు అదుపుచేయాలని సీపీఐ నిరసన

పెరిగిన ధరలకు వ్యతిరేకంగా బుధవారం విజయనగరం జిల్లా బొబ్బిలి పట్టణంలో సీపీఐ ఆధ్వర్యంలో నిరసన తెలిపారు. నిత్యావసర సరుకుల ధరలను అదుపు చేయడంలో కేంద్ర, రాష్ట్ర ప్రభుత్వాలు విఫలమయ్యాయని సిపిఐ జిల్లా కార్యవర్గ సభ్యులు కోట అప్పన్న ఈ సందర్భంగా ఆరోపించారు. అధిక ధరలతో సామాన్యులు తీవ్ర ఇబ్బందులు పడుతున్నారని గ్యాస్‌, పెట్రోల్‌, డీజిల్‌, నిత్యావసర సరుకుల ధరలను అదుపు చేయాలని డిమాండ్‌ చేశారు.