పెండింగ్ జీతాలు వెంటనే చెల్లించాలి: కార్మికులు

కడెం మండలంలోని గ్రామపంచాయతీ కార్మికులు రెండు నెలలుగా పెండింగ్‌లో ఉన్న జీతాలను వెంటనే విడుదల చేయాలని డిమాండ్ చేశారు. ఈ మేరకు ఎంపీడీవో కార్యాలయంలో ఎంపీడీవో సుజాతకు వినతిపత్రం అందజేశారు. చాలీచాలని వేతనాలతో విధులు నిర్వహిస్తున్నామని, రెండు నెలలుగా జీతాలు అందక ఇబ్బందులు పడుతున్నామని ఆవేదన వ్యక్తం చేశారు. ఈ కార్యక్రమంలో నగేష్, రాజన్న, రమేశ్, పోశం తదితరులు పాల్గొన్నారు.