పేకాట స్థావరంపై పోలీసుల మెరుపు దాడి

సాలూరు మండలం ఖరాసువలసలో పాత కోళ్ల ఫామ్ షెడ్డులో జూదం ఆడుతున్న స్థావరంపై సాలూరు రూరల్ పోలీసులు మెరుపు దాడి చేశారు. ఈ దాడిలో రూ.1,68,160, మొబైల్ ఫోన్లు, 12 ద్విచక్ర వాహనాలను స్వాధీనం చేసుకున్నారు. ఏపీ గేమింగ్ యాక్ట్ కింద కేసు నమోదు చేశామని సీఐ రామకృష్ణ, ఎస్ఐ రవీంద్రరాజు తెలిపారు. అసాంఘిక కార్యకలాపాలపై కఠిన చర్యలు తీసుకుంటామని పోలీసులు హెచ్చరించారు.