అప్రోప్రియేషన్ బిల్లుకు పార్లమెంట్ ఆమోదం

అప్రోప్రియేషన్ (నంబర్-3) బిల్లు, 2026కు పార్లమెంట్ ఆమోదం తెలిపింది. కొన్ని సేవలకు 2023 మార్చి 31తో ముగిసిన ఆర్థిక సంవత్సరంలో జరిగిన అదనపు వ్యయానికి నిధుల కేటాయింపునకు ఈ బిల్లు వీలు కల్పిస్తుంది. రూ.54 వేల కోట్లకు పైగా అదనపు వ్యయానికి అనుమతి కోరినట్లు ఆర్థిక మంత్రి నిర్మలా సీతారామన్ తెలిపారు. ఇందులో రైల్వే శాఖకు రూ.196 కోట్లకుపైగా, రుణ చెల్లింపులకు రూ.53,871 కోట్లకు పైగా ఉన్నాయని చెప్పారు.