ఆన్‌లైన్ బెట్టింగ్ గ్యాంగ్ అరెస్ట్: సీఐడీ భారీ ఆపరేషన్

తెలంగాణలో ఆన్‌లైన్ బెట్టింగ్ నిర్వహిస్తున్న భారీ నెట్‌వర్క్‌ను సీఐడీ అధికారులు బట్టబయలు చేశారు. సీఐడీ చీఫ్ చారు సిన్హా నేతృత్వంలో జరిగిన ఈ ఆపరేషన్‌లో మొత్తం 11 మంది నిర్వాహకులను అరెస్ట్ చేసి, వారి నుంచి ల్యాప్‌టాప్‌లు, మొబైల్ ఫోన్లను స్వాధీనం చేసుకున్నారు. రాష్ట్రంలో ఇప్పటివరకు బెట్టింగ్ యాప్‌లపై 414 కేసులు నమోదయ్యాయి. జియో-ఫెన్సింగ్ సాంకేతికత ద్వారా 37 యాప్‌లను అధికారులు బ్లాక్ చేశారు. అలాగే, బెట్టింగ్ యాప్‌లను ప్రమోట్ చేసిన 25 మంది సోషల్ మీడియా ఇన్‌ఫ్లూయెన్సర్లకు కౌన్సిలింగ్ ఇచ్చారు.