కుమారుడిని నదిలోకి తోసిన తండ్రి

హిమాచల్‌ప్రదేశ్‌లో భార్యతో ఫోన్‌లో వాగ్వాదం తర్వాత ఆరేళ్ల కుమారుడిని తండ్రి రవి నదిలోకి తోసినట్లు పోలీసులు తెలిపారు. అనంతరం అతడు పోలీసులకు లొంగిపోయాడు. చంబా జిల్లా పరేల్‌ వంతెన వద్ద ఈ ఘటన జరిగినట్లు పోలీసులు చెప్పారు. చిన్నారి కోసం గాలింపు కొనసాగుతోంది. ఉద్ధృత ప్రవాహం, అధిక నీటిమట్టం కారణంగా సహాయక చర్యలకు ఆటంకం ఏర్పడింది.