నవరాత్రికి వెండి దాండియాల క్రేజ్‌

మహారాష్ట్రలోని నాసిక్‌లో నవరాత్రి వేడుకల కోసం వెండి దాండియాలకు డిమాండ్‌ పెరిగింది. 92 శాతం వెండి తొడుగులతో రూపొందించిన ఈ కర్రల జంట ధర రూ.2,500 నుంచి రూ.9,000 వరకు ఉంది. ఆరు, తొమ్మిది, 12 అంగుళాల పరిమాణాల్లో లభించే వీటిని యువత ఆసక్తిగా కొనుగోలు చేస్తున్నారు. పండుగ తర్వాత కూడా జ్ఞాపికలుగా లేదా పూజ గదిలో ఉంచుకోవచ్చని వ్యాపారులు చెబుతున్నారు.