ఓట్ల సవరణపై తప్పుడు ప్రచారాలు వద్దు

ఓటరు జాబితా సవరణ (SIR)పై జరుగుతున్న దుష్ప్రచారాన్ని నమ్మవద్దని కరీంనగర్ డిప్యూటీ మేయర్ సునీల్ రావు సూచించారు. అధికారులు వచ్చేటప్పుడు వివరాలను అందజేసి, ప్రక్రియకు పూర్తి సహకారం అందించాలని ప్రజలను కోరారు. మరణించిన వారి ఓట్లు, డూప్లికేట్లను తొలగించి పారదర్శకమైన జాబితాను రూపొందించడమే ఈ ప్రక్రియ ఉద్దేశమని ఆయన స్పష్టం చేశారు. రాజకీయ పార్టీలు ప్రజలను గందరగోళానికి గురి చేయకుండా, అవగాహన కల్పించాలని హితవు పలికారు.