నిబంధనలు పాటించకుంటే జరిమానా తప్పదు

వాహనదారులు ట్రాఫిక్ నిబంధనలు పాటించకపోతే జరిమానాలు కట్టాల్సిందేనని SI జగదీశ్ నాయుడు స్పష్టం చేశారు. శనివారం పార్వతీపురం నుంచి రాయగడ వెళ్లే అంతర్రాష్ట్ర రహదారిపై ఆయన వాహన తనిఖీలు నిర్వహించారు. ద్విచక్ర వాహనదారులు తప్పనిసరిగా హెల్మెట్ ధరించి, వాహన ధ్రువపత్రాలను వెంట ఉంచుకోవాలని సూచించారు. మితిమీరిన వేగంతో వెళ్లడం, మద్యం సేవించి వాహనాలు నడపడం వంటివి చేయకూడదని హెచ్చరించారు.