వీసా రెన్యువల్‌కూ కొత్త ఫీజుల ప్రతిపాదన

హెచ్‌-1బీ, ఎల్‌-1 వీసాల పునరుద్ధరణపైనా అదనపు ఫీజులు విధించే ప్రతిపాదనను అమెరికా పరిశీలిస్తోంది. ఇది అమల్లోకి వస్తే భారతీయ ఐటీ నిపుణులు, వారిని నియమించుకునే సంస్థలపై అదనపు భారం పడే అవకాశం ఉంది. ప్రస్తుతం కొత్త వీసాలు, ఉద్యోగ మార్పులకే వర్తిస్తున్న రుసుము, ఇక రెన్యువల్‌కూ వర్తించవచ్చు. ఈ ప్రతిపాదనతో అమెరికాకు ఏటా అదనంగా 15 కోట్ల డాలర్లకుపైగా ఆదాయం సమకూరుతుందని అంచనా.