తిరుపతిలో కొత్త బాక్సింగ్ హాల్

తిరుపతి శ్రీనివాస స్పోర్ట్స్ కాంప్లెక్స్‌లో జేసీఐ ఆర్థిక సహకారంతో నిర్మించిన ఇండోర్ బాక్సింగ్ హాల్‌ను శాప్ ఛైర్మన్ రవి నాయుడు సోమవారం ప్రారంభించారు. అన్ని వాతావరణాల్లోనూ క్రీడాకారులు సాధన చేసేందుకు ఇది ఎంతో ఉపయోగపడుతుంది. ఈ అత్యాధునిక సదుపాయాలతో బాక్సర్ల ప్రతిభను అంతర్జాతీయ స్థాయికి తీసుకెళ్లేందుకు అవకాశం ఉంటుందని ఆయన పేర్కొన్నారు. క్రీడల అభివృద్ధికి ప్రభుత్వం అన్ని విధాలా సహకరిస్తుందని ఈ సందర్భంగా ఆయన స్పష్టం చేశారు.