నందిగామ చోరీ: చిక్కిన కీలక ఆధారాలు

నందిగామలో ఉపాధ్యాయుని ఇంట్లో జరిగిన రూ. కోటి విలువైన చోరీ కేసులో పోలీసులు కీలక ఆధారాలు సేకరించారు. 20-23 ఏళ్ల వయస్సున్న నలుగురు యువకులే ఈ నేరానికి పాల్పడినట్లు నిర్ధారించారు. నిందితులు విజయవాడ వైపు పారిపోయినట్లు సీసీ కెమెరాల ద్వారా గుర్తించారు. ఘటనా స్థలంలో లభించిన వేలిముద్రలను రాష్ట్ర, జాతీయ నేరస్తుల డేటాతో పోలుస్తున్నారు. నిందితులు విజయవాడకు చెందిన పాత నేరస్తులేనని పోలీసులు అనుమానిస్తున్నారు. ప్రత్యేక బృందాలు గాలింపు ముమ్మరం చేశాయి.