బైక్ ప్రమాదంలో ముంబై యువతి మృతి

ఛత్తీస్‌గఢ్‌లోని బాలోద్ జిల్లాలో మార్కటోలా ఘాట్ వద్ద బుధవారం జరిగిన రోడ్డు ప్రమాదంలో ముంబైకి చెందిన బైకర్ రిద్ధి ఠక్కర్ (24) మృతి చెందారు. ఆమె బస్తర్‌కు వెళ్తున్న బైకర్ల బృందంలో ఉన్నారు. రిద్ధి బైక్‌ను గుర్తుతెలియని భారీ వాహనం ఢీకొట్టి అక్కడి నుంచి వెళ్లిపోయినట్లు పోలీసులు తెలిపారు. సీసీటీవీ దృశ్యాలను పరిశీలిస్తూ వాహనం, డ్రైవర్‌ను గుర్తించేందుకు పోలీసులు దర్యాప్తు చేస్తున్నారు.