మోదీ 25 ఏళ్ల సేవకు ‘సేవా సంకల్ప్’

ప్రధాని నరేంద్ర మోదీ ప్రజా జీవితంలో 25 ఏళ్లు పూర్తి చేసుకుంటున్న సందర్భంగా బీజేపీ గురువారం నెల రోజుల ‘సేవా సంకల్ప్ అభియాన్‌’ను ప్రారంభించింది. సెప్టెంబర్ 17 నుంచి అక్టోబర్ 17 వరకు దేశవ్యాప్తంగా ఈ కార్యక్రమాన్ని నిర్వహించనున్నారు. 2001 అక్టోబర్ 7న గుజరాత్ ముఖ్యమంత్రిగా బాధ్యతలు చేపట్టినప్పటి నుంచి మోదీ ప్రజా సేవలో కొనసాగుతున్నారని బీజేపీ జాతీయ అధ్యక్షుడు నితిన్ నబిన్ తెలిపారు.