మండల ప్రజల అప్రమత్తంగా ఉండాలి: ఎస్సై శ్రీకాంత్

గంభీరావుపేట మండల ప్రజలు అప్రమత్తంగా ఉండాలని ఎస్ఐ శ్రీకాంత్ సూచించారు. ఎగువ మానేరు జలశయం పూర్తిస్థాయిలో నిండిందని, ఏ సమయంలోనైనా మత్తడి దూకే అవకాశం ఉందని తెలిపారు. మానేరు వాగు పరివాహక ప్రాంతంలో ఉన్న గ్రామాల ప్రజలు అప్రమత్తంగా ఉండాలని సూచించారు. ప్రజలు ఎట్టి పరిస్థితుల్లోనూ వాగు పరిసర ప్రాంతాలకు వెళ్లొద్దని, అత్యవసర పరిస్థితుల్లో పోలీసులకు సమాచారం అందించాలని కోరారు.