మిజోరాంలో కారు ప్రమాదం.. ముగ్గురు మృతి

మిజోరాంలో కారు అదుపుతప్పి లోయలో పడటంతో ముగ్గురు కేంద్ర ప్రభుత్వ మీడియా అధికారులు మృతి చెందారు. మరో ఇద్దరికి తీవ్ర గాయాలయ్యాయి. సమావేశానికి హాజరై తిరిగివస్తుండగా సటెక్ గ్రామం సమీపంలో ప్రమాదం జరిగింది. డ్రైవర్ అస్వస్థతకు గురికావడమే కారణమని తెలుస్తోంది. మృతులను ఎంగమ్ పామే, నంపిబౌ మెరిన్‌మాయ్, హెచ్.లియాన్వెలాగా గుర్తించారు. గాయపడిన వారికి ఆసుపత్రిలో చికిత్స అందిస్తున్నారు.