వరంగల్‌లో మెగా జాబ్ మేళా

వరంగల్‌లోని కిట్స్ కళాశాలలో జూన్ 27న ‘వరంగల్ కౌశల్ మహోత్సవ్’ పేరుతో మెగా జాబ్ మేళా నిర్వహించనున్నారు. ఎన్ఎస్‌డీసీ ఆధ్వర్యంలో జరగనున్న ఈ మేళాలో పలు ప్రముఖ ప్రైవేట్ సంస్థలు పాల్గొని, సుమారు 5 వేల ఉద్యోగాలను భర్తీ చేయనున్నాయి. ఉదయం 9 గంటలకు ప్రారంభమయ్యే ఈ మేళాకు అభ్యర్థులు తమ బయోడేటా, ధ్రువపత్రాలతో హాజరు కావాలని ఉపాధి కల్పనాధికారిణి సూచించారు.