మేడిపల్లి జువెలరీ చోరీపై దర్యాప్తు

మేడిపల్లి క్యారెట్‌లేన్ షోరూమ్‌లో రూ.2.5 కోట్ల విలువైన వజ్రాభరణాలు, బంగారం చోరీ కేసులో పోలీసులు దర్యాప్తు ముమ్మరం చేశారు. రాజస్థాన్ ముఠా ప్రమేయం ఉన్నట్లు ప్రాథమికంగా గుర్తించి, నిందితుల కోసం 15 ప్రత్యేక బృందాలను రంగంలోకి దించారు. ఐదు నిమిషాల్లో పక్కా పథకం ప్రకారం చోరీ జరగడంతో భద్రతా వ్యవస్థపై అవగాహన ఉన్న పాత నేరస్థుల డేటాను పరిశీలిస్తున్నారు. నిందితుల ఆచూకీ కోసం ప్రత్యేక బృందాలు గాలిస్తున్నాయి.