మద్యం తాగొద్దని మందలిస్తే.. వ్యక్తి ఆత్మహత్య

గరివిడి మండలంలో మద్యం తాగొద్దని భార్య మందలించడంతో మనస్తాపానికి గురైన ఓ వ్యక్తి పురుగుమందు తాగి చికిత్స పొందుతూ మృతిచెందాడు. వెదుళ్లవలస గ్రామానికి చెందిన మన్నెపురి పైడినాయుడు(60) ఈ ఘటనలో మృతుడిగా పోలీసులు తెలిపారు. పురుగుమందు తాగిన ఆయనను కుటుంబ సభ్యులు ఆసుపత్రికి తరలించినా చికిత్స పొందుతూ సోమవారం మృతిచెందారు. కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.