పొట్టను పదిలంగా ఉంచుకుంటేనే సంపూర్ణ ఆరోగ్యం

పొట్ట ఆరోగ్యంగా ఉంటేనే మనమూ హాయిగా ఉంటామనే తరాల నాటి పెద్దల మాట నిజమేనని తాజాగా హార్వర్డ్ విశ్వవిద్యాలయ అధ్యయనంలో తేలింది. మన శరీర సంపూర్ణ ఆరోగ్యానికి, మానసిక ప్రశాంతతకు గట్ హెల్త్ (జీర్ణవ్యవస్థ ఆరోగ్యం) ఎంతగానో దోహదపడుతుందని ఈ పరిశోధన స్పష్టం చేసింది. అయితే, ఈ గట్ హెల్త్ అద్భుతంగా మెరుగవ్వాలంటే మాత్రం ప్రతి ఒక్కరూ తమ దైనందిన ఆహారంలో రోజూ పండ్లు తీసుకోవడం తప్పనిసరి అని పరిశోధకులు సూచిస్తున్నారు. పండ్లలో ఉండే పీచు పదార్థాలు, పోషకాలు పొట్టను ఆరోగ్యంగా ఉంచి రోగనిరోధక శక్తిని పెంచుతాయి.