మ్యాజిక్ డ్రెయిన్‌లు: తక్కువ ఖర్చుతో పారిశుద్ధ్యం!

గ్రామాల్లో మురుగునీటి సమస్యకు ప్రభుత్వం ‘మ్యాజిక్ డ్రెయిన్‌’లను ప్రవేశపెట్టింది. సీసీ కాలువల కంటే తక్కువ ఖర్చుతో నిర్మించే ఈ డ్రెయిన్‌లు, మురుగునీటిని భూమిలోకి ఇంకింపజేసి భూగర్భ జలాలను పెంచుతాయి. దోమలు, దుర్వాసన సమస్యలు తగ్గి పర్యావరణం శుభ్రంగా ఉంటుంది. ఉమ్మడి వరంగల్ జిల్లాలో ఇప్పటికే వీటి నిర్మాణం ప్రారంభమైంది. పారిశుద్ధ్యాన్ని మెరుగుపరచడమే లక్ష్యంగా ప్రభుత్వం మరిన్ని మ్యాజిక్ డ్రెయిన్‌లను నిర్మించేందుకు ప్రణాళికలు సిద్ధం చేస్తోంది.