చిరుతిండి.. అనారోగ్యం దండి

ఫాస్ట్‌ఫుడ్, రంగురంగుల ప్యాకెట్లలోని జంక్‌ఫుడ్స్‌కు అలవాటు పడి చిన్నారులు చిన్న వయసులోనే గ్యాస్ట్రబుల్, అల్సర్లు వంటి తీవ్ర అనారోగ్య సమస్యల బారిన పడుతున్నారు. నాసిరకం పదార్థాలతో తయారయ్యే ఈ చిరుతిళ్లు పిల్లల ఆరోగ్యానికి ప్రమాదకరంగా మారుతున్నాయి. తల్లిదండ్రులు పిల్లల ఆహారపు అలవాట్లపై ప్రత్యేక దృష్టి సారించాలి. పాఠశాలల సమీపంలో లభించే నాసిరకం తినుబండారాలకు దూరంగా ఉంచడం, ఇంటి భోజనానికే ప్రాధాన్యత ఇవ్వడం ద్వారా చిన్నారులను వ్యాధుల నుంచి కాపాడుకోవాలని వైద్యులు సూచిస్తున్నారు.