కూల్చివేతలపై వామపక్ష నిరసన

హన్మకొండ, వరంగల్ జిల్లాల్లో పేదల ఇళ్లు కూల్చివేయడాన్ని నిరసిస్తూ వామపక్షాలు ఆందోళనలకు సిద్ధమయ్యాయి. భూములను ఆక్రమిస్తున్న రియల్ ఎస్టేట్ వ్యాపారులను వదిలేసి, పేదలను ఇబ్బంది పెడుతున్నారని నేతలు ఆగ్రహం వ్యక్తం చేశారు. జూన్ 27న భారీ ర్యాలీ, జూలై 1న కలెక్టరేట్ల వద్ద పికెటింగ్, జూలై 6న హైదరాబాద్‌లో మహా ధర్నా చేపట్టనున్నట్లు సీపీఐ, సీపీఎం జిల్లా కార్యదర్శులు ప్రకటించారు.