ఆశ్రమ పాఠశాలల్లో సదుపాయాల కొరత

జిల్లాలోని గిరిజన సంక్షేమ ఆశ్రమ పాఠశాలల్లో తరగతి గదులు, డార్మిటరీలు, మరుగుదొడ్లు, తాగునీటి సదుపాయాల కొరతతో విద్యార్థులు ఇబ్బందులు పడుతున్నారు. పలుచోట్ల ఒకే గదిలో చదువుతో పాటు నిద్రపోవాల్సిన పరిస్థితి ఉంది. పారిశుద్ధ్య లోపాలతో విద్యార్థులు అనారోగ్యానికి గురవుతున్నారని తల్లిదండ్రులు ఆందోళన వ్యక్తం చేస్తున్నారు. సమస్యలు పరిష్కరించి మెరుగైన సౌకర్యాలు కల్పించాలని వారు ప్రభుత్వాన్ని కోరుతున్నారు.