లారీ ఢీకొని సుమారు 50 గొర్రెలు మృత్యువాత

పలాస మండలంలోని కంబిరిగాం గ్రామ సమీప జాతీయ రహదారిపై శనివారం వేకువజామున జరిగిన రోడ్డు ప్రమాదంలో సుమారు 50 గొర్రెలు మృతి చెందాయి. కాపరులు గొర్రెల మందను రోడ్డు దాటిస్తుండగా వేగంగా వచ్చిన లారీ ఢీ కొట్టింది. ఈ ప్రమాదంలో ఓ గొర్రెల కాపరికి తీవ్ర గాయాలు కాగా, గొర్రెలు అక్కడికక్కడే మృతి చెందాయి. ఘటనతో కాపరులు తీవ్ర ఆవేదనకు గురయ్యారు. సమాచారం అందుకున్న పోలీసులు కేసు నమోదు చేసి దర్యాప్తు చేపట్టారు.