మహిళా ఇంజనీరింగ్ కళాశాల విద్యార్థులతో కేటీఆర్ భేటీ

శ్రీదేవి మహిళా ఇంజనీరింగ్ కళాశాల విద్యార్థినులు ఈరోజు బీఆర్ఎస్ వర్కింగ్ ప్రెసిడెంట్ కేటీఆర్‌ను కలిసి, ఆయనకు ముందస్తు జన్మదిన శుభాకాంక్షలు తెలిపారు. ఈ సందర్భంగా వారు రూపొందించిన 'కేటీఆర్ క్రానికల్స్' అనే వెబ్‌సైట్ ప్రాజెక్టును ఆయనకు ప్రదర్శించారు. కేటీఆర్ జీవిత ప్రయాణాన్ని, ఆయన చేపట్టిన వివిధ అభివృద్ధి పనులను ఈ వెబ్‌సైట్ ద్వారా విద్యార్థినులు కళ్ళకు కట్టినట్లు వివరించారు. విద్యార్థినుల సృజనాత్మకతను కేటీఆర్ అభినందించారు. సాంకేతికతను అందిపుచ్చుకోవాలని, కొత్త విషయాలపై ఆసక్తి పెంచుకోవాలని, లక్ష్యాల సాధన కోసం పట్టుదలతో ముందుకు సాగాలని ఆయన సూచించారు. కేటీఆర్‌తో జరిగిన ఈ సమావేశం తమకెంతో స్ఫూర్తినిచ్చిందని విద్యార్థినులు పేర్కొన్నారు.