దీదీకి షాక్: మేయర్ పదవికి కృష్ణా చక్రవర్తి గుడ్‌బై

పశ్చిమ బెంగాల్ అధికార పక్షం తృణమూల్ కాంగ్రెస్‌ (టీఎంసీ)కు గట్టి ఎదురుదెబ్బ తగిలింది. బిధాన్నగర్ మున్సిపల్ కార్పొరేషన్ మేయర్, మమతా బెనర్జీ సన్నిహితురాలు కృష్ణా చక్రవర్తి గురువారం తన పదవికి రాజీనామా చేశారు. పూర్తిగా వ్యక్తిగత కారణాలతోనే ఈ నిర్ణయం తీసుకున్నట్లు ఆమె స్పష్టం చేశారు. సుదీర్ఘకాలంగా పార్టీకి సేవలందించిన ఆమె, కేవలం కౌన్సిలర్‌గా మాత్రమే కొనసాగుతానని ప్రకటించారు. ఇటీవల బెంగాల్ రాజకీయాల్లో వేగంగా మారుతున్న పరిణామాల నేపథ్యంలో, ఆమె తీసుకున్న ఈ నిర్ణయం అధికార టీఎంసీ వర్గాల్లో తీవ్ర చర్చనీయాంశంగా మారింది.