కరీంనగర్‌లో ఉద్రిక్తత: బీజేపీ కార్పొరేటర్ ఇంటిపై దాడి

కరీంనగర్ ఎమ్మెల్యే గంగుల కమలాకర్‌ను ఉద్దేశించి బీజేపీ కార్పొరేటర్ బండారి వేణు సోషల్ మీడియాలో పోస్ట్ చేసిన వీడియో తీవ్ర రాజకీయ దుమారం రేపింది. ఆగ్రహానికి గురైన ప్రత్యర్థులు వేణు ఇంటిపై రాళ్లు, కోడిగుడ్లతో దాడికి పాల్పడ్డారు. పోలీసులు వెంటనే ఘటనా స్థలానికి చేరుకుని పరిస్థితిని అదుపు చేశారు. ముందస్తు జాగ్రత్తగా నగరంలో భారీ బందోబస్తు ఏర్పాటు చేశారు.