కొండల తవ్వకాలు.. అధికారుల మౌనం

పెద్దవడుగూరులోని నల్లకొండ, తెల్లకొండలను అక్రమార్కులు అనుమతులు లేకుండా తవ్వి రాళ్లు, ఎర్రమట్టిని తరలిస్తున్నారు. సర్వే నంబరు 773లోని ఈ కొండలు సుమారు 400 ఎకరాల్లో విస్తరించి ఉన్నాయి. ఫిర్యాదులు వస్తున్నా రెవెన్యూ, పోలీసు, గనుల శాఖ అధికారులు చర్యలు తీసుకోవడం లేదని గ్రామస్థులు ఆరోపిస్తున్నారు. మట్టి తరలింపును అడ్డుకోకపోతే కొండలు కనుమరుగయ్యే ప్రమాదం ఉందని వారు ఆందోళన వ్యక్తం చేస్తున్నారు.