కోదాడ బంద్‌- బస్టాండ్‌ తప్ప

కోదాడలో బీఆర్‌ఎస్‌ పార్టీ చేపట్టిన పట్టణ బంద్‌ నుంచి బస్టాండ్‌కు మినహాయింపు ఇచ్చారు. దూరప్రాంతాలకు వెళ్లే ప్రయాణికులకు ఇబ్బందులు కలగకుండా బస్టాండ్‌ను బంద్‌ నుంచి మినహాయించాలని మాజీ ఎమ్మెల్యే బొల్లం మల్లయ్య యాదవ్‌ సూచించినట్లు పార్టీ నాయకులు తెలిపారు. దీంతో బస్టాండ్‌లో బస్సుల రాకపోకలు యథావిధిగా కొనసాగుతున్నాయి. ప్రయాణికులకు ఇబ్బందులు లేకుండా బస్టాండ్‌ సేవలు అందుబాటులో ఉన్నాయి.