కల్యాణ లక్ష్మి పథకాన్ని నీరుగార్చొద్దు: మహ్మద్ సాధిఖ్

కల్యాణ లక్ష్మి, షాదీ ముబారక్ పథకాలను నిర్వీర్యం చేయొద్దని బీఆర్‌ఎస్ రాష్ట్ర మైనారిటీ నేత మహ్మద్ సాధిఖ్ అన్నారు. పేదింటి ఆడబిడ్డల వివాహాలకు ఈ పథకాలు అండగా నిలిచాయని తెలిపారు. కాంగ్రెస్ అధికారంలోకి వచ్చిన తర్వాత పథకం అమలులో జాప్యం జరుగుతోందని, సుమారు రెండు లక్షల దరఖాస్తులు పెండింగ్‌లో ఉన్నాయని పేర్కొన్నారు. ఎన్నికల హామీ మేరకు రూ.లక్షతో పాటు తులం బంగారం ఇవ్వాలని డిమాండ్ చేశారు.