కేదార్‌నాథ్‌లో భారీ ట్రాఫిక్‌ జామ్‌

భక్తులు భారీగా తరలిరావడంతో కేదార్‌నాథ్‌కు వెళ్లే 19 కిలోమీటర్ల కాలినడక మార్గంలో శనివారం తీవ్ర ట్రాఫిక్ జామ్ ఏర్పడింది. భీంబలి, లించోలి వంటి కీలక ప్రాంతాలలో దారి ఇరుకుగా ఉండటం, గుర్రాలు, పల్లకీల రాకపోకల వల్ల రద్దీ పెరిగి వృద్ధులు, చిన్నారులు గంటల తరబడి ఇబ్బందులు పడ్డారు. తుంగనాథ్ వద్ద భక్తుల ఘర్షణల వీడియోలు వైరల్ కావడంతో యాత్ర నిర్వహణపై ప్రశ్నలు తలెత్తుతున్నాయి. లోయల వద్ద బారికేడ్ల కొరత ఉన్నప్పటికీ భద్రతకు చర్యలు తీసుకుంటున్నట్లు ఎస్పీ తెలిపారు.