కడపలో ఉద్రిక్తత: సర్కిల్ పేరుపై వివాదం.. రాళ్లదాడి, లాఠీఛార్జ్!

కడపలో ఒక సర్కిల్ పేరు విషయంలో రెండు వర్గాల మధ్య తలెత్తిన వివాదం ఉద్రిక్తతకు దారితీసింది. ఒక వర్గం ఆ ప్రాంతానికి 'టిప్పు సుల్తాన్ సర్కిల్' అని పేరు పెట్టాలని డిమాండ్ చేయగా, మరో వర్గం 'హనుమాన్ సర్కిల్'గా నామకరణం చేయాలని పట్టుబట్టింది. ఇరువర్గాలు భారీగా తరలివచ్చి పరస్పరం రాళ్లదాడికి దిగడంతో పరిస్థితి విషమించింది. శాంతిభద్రతలను కాపాడేందుకు పోలీసులు లాఠీఛార్జ్ చేయాల్సి వచ్చిందని కడప ఎస్పీ ఎన్.విశ్వనాథ్ వెల్లడించారు.